Dara Seve

Kitêbek ji bo zarok û gêncan

Duyemîn kitêba Mûrad Dildar Dara Sêvê ji nav weşanên Hêlîn derket. Berê jî kitêbeke Dildar bi navê Qesra Spî (Hêlîn, 2009) derketibû. Dara Sêvê ji aliyê Arzu Karahan ve hatiye resimkirin, resim reş û spî ne.

Beşek ji destpêka çîrokê:

Hebû tunebû, li welatekî dûr axayekî pirr dewlemend hebû. Navê wî Nêçîrvan Axa bû. Baxçeyekî wî yê xweşik û pirr mezin hebû. Gul û kulîlkên reng bi reng di nav vî baxçeyî de şîn dibûn. Gava bîhna gulan li nav baxçe belav dibû, meriv ji wê bîhnê mest dibûn. Ji vî baxçeyê xweşik û mezin re digotin Baxçeyê Heftreng. Ji bo gul û kulîlkên Baxçeyê Heftreng bîhn bikin û li rengên wan ên xweşik temaşe bikin, ji welatên dûr meriv dihatin dîtina Baxçeyê Heftreng.