Tûrikê Pîrê Kal

Pirtûka bi nav Tûrikê Pîrê Kal ya ji berhevokên Mela Husameddîn pêk tê ji nav weşanên Nûbiharê derket. Berhema bi navê Tûrikê Pîrê Kal bi qewlekî din xurçikê Mela Husameddîn; ji gotinên manîdar, helbest, ceribandin û çîrokên gelêrî û nûhonandî pêk tê. Nivîskar, di emrê xwe yê heftê salî de tiştên ji bo xwe balkêş û girîng not girtine û dane ser hevdû. Helbestên ku di mirûra vê demê de nivîsandine komî ser kirine û ceribandin û çîrokên xwe jî dane ser û ev berhema ha derketiye holê. Berhem bi gewde, newq û bejna xwe ve biçûk, hûrik û jar e, lê ji hêla naverokê ve têr, tijî û dewlemend e. Sond bi pêt û pêla dilê evîndar Bi xwîna şehîdê me yê birîndar Ev ne edl e, zilm û zor e ji bo me Qe rojekê tu pirs nakî halê me! . Xwedayê min, tu çendî pak î Pîroyê bira, bi rehma xwe şa kî Kêmahiyên wî hene, lê nebîne Gelek derd û bela ji bo me dîtine